Bukono™

Fast gulost med bukkehornkløver.

Valdres Ost Bukono er ein handlaga, feit gulost ysta av lokal kyrmjølk og krydra med bukkehornkløver.

Osten har ein fyldig smak som kan minne om nøtter og lønnesirup, og eignar seg svært godt til smørbrød og sandwicher, men kan óg skjeres i terningar som snacks. Bukkehornkløver tilhøyrer ertefamilien og kan gi allergisk reaksjon for dei som ikkje tåler peanøtter.

Bukkehornkløver er ei gamal medisinplante som mange stader vart rekna som eit universalmiddel. Mellom anna meinte dei at det var godt for magen og eit kraftig afrodisiakum.

Bukono™ var premiert med bronse under World Cheese Awards 2018 og i 2022, og sølv i 2023.